Zein pozgarria normaltasuna pixkanaka-pixkanaka berreskuratzea! Atzo bi urteko haurren familiekin elkartu ginen, haien garapena denon artean hobeto ulertzeko. Funtsezkoa da gure haurrak beren garapenean non dauden ulertzea eta jakitea, horrela errazago eta hobeto erantzungo diegu-eta haien beharrei. Zalantzak, bizipenak eta pasarte xelebreak partekatu genituen giro goxoan. Eskerrik asko guztioi parte hartzeagatik! Arratsalde zoragarria igaro genuen elkarrekin.
Zumaienatik irten eta herriko ondare kulturala ezagutzen ibili gara gaur goizean, bazter bitxiak ezagutuz eta haien istorioetan murgilduz.

Eskerrik asko Iñaki zure arte-tailerrako ateak irekitzeagatik. Asko ikasi dugu eta gure artelanetan eredutzat hartuko zaitugu. ARTISTA ZARA!

Pedagogia eta arkitekturaren arteko elkarlana nola sustatzen den hausnartzeko bildu gara kafe tertulian. HH eta LH-ko irakasle eta familiok gaiaren inguruan aritu gara Ahinitze Errasti Nondik arkitekturako kidearekin.

Zumaienan sareak osatzen jarraitzen dugu. Oraingoan, “ Magalean” Psikomotrizitate Erlazionaleko Espezialista taldearekin elkarlana sustatuko duen hitzarmena sinatu dugu. Bide horretan, Zumaienako Hezkuntza Komunitateak zubiak eraiki nahi ditu profesionalez osatutako talde honekin, Zumaienako komunitatearen artean prebentzio lana sustatzeko eta haien garapena bere osotasunean lantzeko.

Zein motatako materialak izan beharko lituzkete 2-3 urteko haurrek eskura?
• Ekintza propioa sortzen dutenak.
• Haurrak aktiboak eta parte-hartzaileak izatea laguntzen dutenak.
• Hipotesiak sortzeko aukera ematen dutenak.
• Autonomia ahalbidetzen dutenak.
• Interesa eta motibazioa pizten dutenak.
