Select Page

Martxoaren 13an HERRIETAKO KALEAK hutsik geratu ziren, soinurik gabe, bizitzarik gabe… Urteetan zehar guztiontzako egunerokoak ziren ekintza guztiak desagertu zitzaizkigun egun batetik bestera.

Irailean, berriz ere, eta lehen bezala izan ez arren, galdu genuen eguneroko hori bueltatzearen ilusioarekin gabiltza ikasle, familia, irakasle eta langileak. Iritsiko da eguna, elkar lasaitasunez besarkatuko garena.

Ilusioz prestatu dute LH5 eta LH6ko ikasleak “ZUREKIN BATERA” abestia eta beraien ikaskide, lagun eta familiez gain, Euskal Herriko beste haur eta gazte guztiei eskaintzen die BIHOTZEZ.